Бейнеуде өзге елдің азаматтарын шекарадан заңсыз өткізбек болғандар ұсталды

©

Маңғыстау облы­сының Бейнеу ауданында орна­ласқан Ұлттық қауіпсіздік комитетінің шекара қызметіне қарасты 2087 әскери бөлімінің учаске­сінде жергілікті тұрғындар жағынан еліміздің кө­ші­-қон заңын бұзған Өзбекстан Республикасының азаматтарын белгілі бір ақшалай қаржыға келісіп, мемлекеттік шекарадан, яғни Қазақстан Республикасынан Өзбекстан Республикасына заңсыз түр­де өткізуге көмектесу фактілері күні бүгінгі дейін тиылмай, жалғасын тауып келеді.

Соның нәтижесінде, 2017 жылы 2087 әскери бөлімінің шекарашыларымен мемлекеттік шекарадан Өзбекстан Республикасының азаматтарын заңсыз түрде өткізбек болған, яғни заңсыз көші­-қонды ұйымдастырған Қазақ­стан Республикасының азаматтары ұсталып, тиісті жа­уапқа тартылды.

Атап айтқанда, 2017 жылдың 17 қазан күні сағат 10:00 шамасында Қазақстан Республикасының азама­ты, Бейнеу селосының тұрғыны О. Шонкалов Бейнеу селосының Б.Майлин көшесінің бойында Өзбекстан Республикасының азаматы Егамов Шерзон Отаназаровичпен кездесіп, оның жеке басын анықтайтын құжаты жоқ екенін біліп, елу мың теңгеге Қазақстан Республикасының Мемлекеттік шекарасы­нан заңсыз түрде өткізіп жіберу үшін заңсыз көші-­қонды ұйымдастыруға келісіп, шетелдікке уақытша тұруға Бей­неу селосының 1 ауылында тұрған үй береді. Сол күні, А.Шонкалов шетел азаматын түнгі уақытта қосауызбен торды кесіп Мемлекеттік шекарадан заңсыз түрде өткізу мақсатында «Лада ларгус» маркалы автокөлікті Бейнеу селосынан «Тажен» кеден бекетіне дейін жалдап, жүріп бара жатқан кезде «Бейнеу - Тажен» автожол бойында ҚР ҰҚК шекара қызметінің және Бейнеу аудандық ІІБ­-нің қызметкерлерімен жасақталған топпен құрықталды. Жоғарыда аталған бойынша А.Шонкаловқа Қазақстан Республикасының қылмыстық кодесінің 394­-бабының 1­-бөлімімен қылмыстық іс ашылып, материалы Бейнеу аудандық сотқа жіберілді. Жинақталған қылмыстық іс бойынша Бейнеу аудандық сот талқылауында А.Шон­каловтың әрекеті дәлелденіп, Қазақстан Республика­сының қылмыстық кодексінің 394-­бабының 1-­бөлімімен кінәлі деп танылып, оған жаза ретінде 1 жыл 3 айға бас бостандығынан шектеу жазасы тағайындалды.

31 қазан 2017 жылы сағат 13:35 шамасында Қазақстан Республикасының азаматы, Бейнеу селосының тұрғыны Б. Аяпбергенов жеке басын анық­тайтын құжаты жоқ Өзбекстан Республикасының азаматы Жолдасов Саубетбай Оракбаевичпен келісіп, қырық мың теңгеге Қазақстан Республикасының Мемлекеттік ше­карасынан өткізіп жіберу үшін заңсыз көші­-қонды ұйым­дастырған. Яғни, сол күні Бейнеу селосындағы базардан шекара сымдарын кесу үшін 2 дана сым кесетін қосауыз сатып алып, оны С.Жолдасовқа берген. Одан кейін, атал­ған Өзбекстан Республикасының азаматын Мемлекеттік шекарадан заңсыз түрде өткізу мақсатында, «Бейнеу­ - Қарақалпақия» бағытында жұмысшылар тасымалдай­тын пойызбен Қазақстан Республикасының Мемлекеттік шекарасына жақын орналасқан «Оазис» станциясына барып, қараңғы түскеде олар шекара қызметкерлеріне ұсталған. Жоғарыда аталған әрекеті бойынша азамат Б.Аяпбергеновқа Қазақстан Республикасының қыл­мыстық кодексінің 394­-бабының 1­-бөлімімен қылмыс­тық іс ашылып, материалы Бейнеу аудандық сотқа жі­берілді. Жинақталған қылмыстық іс бойынша Бейнеу аудандық сот талқылауында Б.Аяпбергеновтың әрекеті дәлелденіп, Қазақстан Республикасының қылмыстық кодексінің 394-­бабының 1­-бөлімімен кінәлі деп танылып, оған жаза ретінде 1 жылға бас бостандығынан шектеу жа­засы тағайындалды.

Жоғарыда көрсетілген бұл деректер шекара шебінде орын алып жүрген жағдайлардың бірі ғана. 2017 жылы 2087 әскери бөлімінің шекарашыларының қырағы да, қажырлы шеберліктерінің арқасында қаншама заңсыз әрекеттерге тосқауыл қойылды.

ҚР ҰҚК шекара қызметінің 2087 әскери бөлімі

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.