Басқұдықта тұрмысы төмендерге әлеуметтік көмектер көрсетілді

Ағымдағы жылдың 10-шы қарашасында Басқұдық ауылы әкімінің ұйытқы болуымен  тұрмысы төмен отбасылардың әлеуметін көтеру мақсатында жеке кәсіпкер Марат Туляковпен бірлесе «Маржан» тұрғын үй массивіндегі «Бейбітшілік» көшесінің тұрғыны П. Алданазароваға және «Жігер» көшесінің тұрғыны жалғызбасты әке С.Рахбановқа әлеуметтік көмек көрсетілді. Аталмыш отбасылардың әрқайсысына азық-түлік пен 20 мың теңге көлемінде қаржылай көмек берілді.

Дәл осындай қайырымдылық шарасы қарашаның 11-де де жалғасып, ауыл әкімімен бірлесе «КазТранс-4» ЖШС-нің директоры Асарбай Жамбыл мүжәлсіз отбасы санатындағы мектеп жасындағы 2 балаға мектеп формасымен толықтай қамтамасыз етті. Жеке кәсіпкер Айтжан Ерболат та «Әділет» көшесінің тұрғыны, тұрмыстық жағдайы төмен жалғызбасты ана А. Жұматоваға әлеуметтік маңызы жоғары азық-түлікпен қамтамасыз етті.

Ауылымыздың әлеуметтік-экономикалық дамуына мол үлесін қосып келе жатқан аталмыш кәсіпкерлердің қайырымдылық істері күн санап артып келе жатқаны қуанарлық жағдай. Елбасының «Болашаққа бағдар: рухани жаңғыру» атты мақаласында: «Патриотизм кіндік қаның тамған жеріңе, өскен ауылыңа, қалаң мен өңіріңе, яғни туған жеріңе деген сүйіспеншіліктен басталады», – делінген.

13 қарашада да оң жалғасын тапты. Бұл күні ауыл әкімінің қатысуымен «Алимар Құрылыс» ЖШС-нің директоры Нұрлан Көмеков өзінің бір топ қызметкерлерімен бірге бір күндік жалақыларын жинап, тұрмыстық жағдайы төмен жалғызбасты ана А.Жұматоваға киім-кешек, азық-түлік және тұрмыстық жабдықтар алып берді.

Әлеуметтік-тұрмыстық жағдайынан тапшылық көрген отбасыларға қаржылай, материалдық қолдау көрсеткен атымтай жомарттарға алғыс білдіреміз.

                                                                                          Әнет КЕМЕЖАНОВ,

                                                      Басқұдық ауылы әкімдігінің бас маманы

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.