АҚКЕТІК ЖАСТАРЫ АРДАГЕРІН АРДАҚТАДЫ

©

Бейбіт күнде көрші елдің қайғысына ортақтасып, Чернобыль апатының салдарын жоюға  қол ұшын созып аттанған ардақты ардагерді ұлықтауды, атаулы күнге 30 жыл толуын байланысты ескеруді ұйғарған Ақкетік жастары бүгін ардагер шаңырағында қонақта болды. ЧАЭС апаты салдарын жою қатысушысы Ерсайын Кұрманғалиұлы өзінің шаңырағына шақырусыз келген жастарды бөтенсімей, басынан өткен оқиғаларымен бөлісті. 

1960 жылы 31  шілде айында  Атырау облысында, Мақат ауылында, қызметкерлер отбасында дүниеге келген Ерсайын Құрманұлы Нұраханов 1967-1977 жылдары Форт-Шевченко қаласындағы  С.М.Киров атындағы орта мектебін бітіреді. Мектепті бітірісімен Отан алдындағы борышын өтеу үшін 1978-1980 жылдары  әскер  қатарында  болады. Әскерден келісімен 1980 жылы  АТП-4 мекемесінде слесарь, көлік жүргізуші болып бірден еңбекке араласады. Кейіннен РСУ ПМК 1206 мекемесінде  тас қалаушы болып  қызмет   жасайды. 1987 жылы тамыз айында   әскери бөлім  арқылы Чернобыль атом электро станциясы  апатын жою үшін  көмекке  шақырылады. Көмек қолын созуға өз өміріне, денсаулығына қауіп төніп тұрғанына қарамастан жас болса да жауапкершілік жүгін арқалап кеткен сол кздегі жігіттер бүгінде ЧАЭС апаты салдарын жою   қатысушысы ретінде “Участник    ликвидации последствии  аварии ЧАЭС” естелік  белгісімен марапатталған. Өздерінің жасаған көмектерін, әскери борыш не тапсырма деп емес, азамттық борыш, көмек деп есептеген азамат Ерсайын Кұрманғалиұлы бүгінде Форт-Шевченко қаласында тұрады. Мерейлі отбасының иесі, екі қызын құтты орнына қондырған алты жиеннің аяулы нағашы атасы. Жалғыз ұлы шаңырағының иесі баласы мен келіні де бір шаңырақты толтырып отырған екі немересі бар.

         Милана ЕЛЕУСІНОВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.