«Маңғыстау - Алматы-2» пойызының жүру уақыты қысқарды

©

«Маңғыстау - Алматы-2» бағытында қатынайтын № 377/378 пойызының жүру уақытын қысқарту туралы шешім жолаушылардың өтініштері мен тілектерін ескере отырып қабылданған, - деп хабарлайды mangystaumedia.kz сайты «Жолаушылар тасымалы» АҚ баспасөз қызметіне сілтеме жасап.

Пойыздың жүру уақытын азайту үшін ҚР Инвестициялар және даму министрлігінің келісімі алынған. Енді 2018 жылдың 9 желтоқсанынан бастап Маңғыстаудан Алматыға сапар шеккендер үшін пойыздың жүру уақытын 4 сағатқа қысқа болмақ. Бұл үшін құзырлы орган пойыздың жылдамдықты арттырып отыр.

Бейнеу – Атырау – Қиғаш арқылы «Ташкент - Мәскеу» қатынасындағы №349/350 пойызы аптасына бір рет жүретін болады. Бұл пойызды «УТЙ» АҚ жасақтаған.

Сонымен қатар 9 желтоқсаннан бастап күнара жүретін «Қарағанды-Томск-2» бағытында пойыз қатынамақ.

Бұған дейін Шымкент-Қызылорда станциясы арқылы өткен «Алматы-2 - Орал» пойызының маршруты өзгеріп, 2019 жылдың 2 қаңтарынан бастап пойыз Астана – Тобыл станциясы арқылы жүрмек.

Айта кетелік, жолаушылар Қазақстандағы пойыз қозғалысының кестесі туралы ақпаратты  «105» нөмірі арқылы ала алады.

Камшат ОҢҒАЛТАЙ,

Көрнекі сурет Талант ҚҰСАЙЫН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.