Ел тәуелсіздігінің 30 жылдығы қарсаңында Түпқараған ауданында 4 балабақша салынады. Оның үшеуі Сайын Шапағатов ауылдық округінде, біреуі Ақшұқыр ауылында бой көтереді. Бұл туралы Қоғамдық коммуникация орталығында өткен брифингте Түпқараған ауданының әкімі Айбек Қосуақов айтты.
Оның айтуынша, ауданда 22 балабақша бар. 11-і мемлекеттік, тағы 11-і жекеменшік бөбекжай.
«Бұдан бөлек, ел Тәуелсіздігінің 30 жылдығы аясында Баутин және Ақшұқыр ауылдарынан спорт кешені салынады. Жеке инвестор қаражаты есебінен Қызылөзен ауылынан 1 спорт кешені пайдалануға беріледі. Айта кету керек, ауданда бұқаралық спорт кеңінен насихатталады. Түпқараған ауданында 14 ашық спорт алаңы, 5 футбол алаңы, 5 көше тренажері бар», - деді Айбек Қосуақов.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
