Ауыл мұғалімдерімен кездесу

Қазақстан Халық партиясы Маңғыстау облыстық сайлауалды шта­бының мүшелері Қызылөзен ауыл тұрғындарымен кездесті.

Мектептің акт залында жиналған мұғалімдермен әңгімелесу барысында партия өкілдері жұртшылықты ашық диалогке тартты. ҚР Парламенті Мәжілісіне үміткер Роза Махамбетова мұғалімдердің мәртебесі туралы қабылданған заң туралы айтты.
Қарапайым халықтың еңбек ету құқығының қамтамасыз етілуі, жалпы қазақ­стандықтардың проблемалары, халық, жер және салық мәселесі әңгіме өзегіне айналды. Сондай-ақ бизнесті қолдау, халықты қолжетімді және сапалы медициналық көмекпен қамтамасыз ету жолдары, Қазақстан халқының өмір сүру деңгейі мен сапасы жайы да қозғалды.

Жиында сөз алған «Хазірет» қоғамдық қорының директоры Күрең Медеуова көте­рілген мәселелерге орай пікірін білдірді.

Жайық НАҒЫМАШ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.