Мұнайшы ауылында «Сарқылмас Қуат» ЖШС-не тиесілі жел электр станциясы салынады, деп хабарлайды mangystaumedia.kz.
Аталған жобаның құны 18 млрд теңгені құрап, іске қосу мерзімі 2024 жылға жоспарланған. Қазіргі уақытта Мұнайшы ауылынан құрылысқа қажетті 45,5 гектар аумақ бөлініп, жерге орналастыру жобасы және өндірістің жобалық сметалық құжаттамасы әзірленіп жатыр. Жоба бойынша 50 МВт электр қуаты өндіріліп, 8 жел электр қондырғысы тұрғызу көзделген.
Сондай-ақ, құрылыс кезеңінде 80, пайдалану кезеңінде 12 адамды тұрақты жұмыспен қамтылады.
«Алдағы жылдары Қарақия ауданында бірқатар жобаларды іске асыру жоспарланып отыр. Оның ішінде «Semrug Invest» көпфункционалды теңіз терминалы, «Kazpetrodrilling» құбыр өнімдерін шығаратын зауыт, «Aksu KMG» Тоқымақтағы теңіз суын тұщыту зауыты, «YDA Group» болат зауыты және «Capian union group» жол бойындағы қызмет көрсету орталығы бар», деп жазылған Қарақия ауданы әкімдігінің баспасөз қызметі таратқан ақпаратта.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
