Үштаған ауылының оқушысы «Абай оқулары» атты халықаралық сайысқа жолдама алды

Үштаған ауылы Асқар Өтепбергенов атындағы орта мектептің 11 сынып оқушысы Айнұр Егдірбек биыл тамыз айында онлайн өткен «Абай оқуларынан» бас жүлде алып, халықаралық додаға жолдама алды. Бұл туралы Айнұр Егдірбектің ұстазы Баршагүл Жұмағалиева хабарлады.

Айнұр Егдірбек Абайдың 90 өлеңі мен 30 қарасөзін жатқа біледі. Ұлы ақынның өлеңіне құмартқан ол аудандық, облыстық, республикалық «Абай оқулары» сайыстарында жүлделі орынға қол жеткізді. Ол 12 жастан бері «Абай оқулары» сайысына қатысып келеді. 2019 жылы Семей қаласында өткен Республикалық «Абай оқулары» сайысына қатысып, бас жүлдені иеленді. Биыл онлайн режимде ұйымдастырылған жарыста да бас жүлде алды. Халықаралық сайыс алдағы уақытта Нұр-Сұлтан қаласында өтеді деп жоспарланған.

«Мен Айнұрға қазақ тілі пәнінен сабақ беремін. Ол өте ұқыпты. Айнұр тек Абай атамыздың емес Шәкәрімнің өлеңдерін де жатқа айтады. Үміт күтетін шәкірттерімнің ерекше қабілетін бірден көремін. Әсіресе Айнұр ерекше қабілетті. Арасында өлең жазатыны да бар», - деді ұстазы Баршагүл Жұмағалиева.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.