Бейнеулік азаматтар жолда қалған жүргізушілерге тамақ таратты

Бейнеу ауылының азаматтары жолға шыға алмай, тоқтап тұрған жүргізушілерге ыстық тамақ пен шай-су таратып жатыр, деп хабарлайды mangystaumedia.kz.

Жүргізушілерге көмек көрсетуді ұйымдастырғандардың ішінде ауданның қазіргі және бұрынғы әкімі, полиция бөлімінің бастығы бар.

- Сай-Өтес-Ақтау жолы жабық, «Ман ата» жолы көктайғақ болған соң жолға шыға алмай, Бейнеуде тоқтадық. Ауылдың жігіттері ас-суымызды әкеліп жатыр. Рақмет, - дейді жүк көлігінің жүргізушісі.

Бейнеу ауданы – тоғыз жолдың торабы. Ауыл үстінен еліміздің басқа өңірлерінен, көрші елдерден келетін жүк көліктері өтеді. Ауа-райының қолайсыздығына байланысты Бейнеуде тұрып қалған көлік саны өте көп.

Облыста республикалық маңыздағы тас жолдарда көктайғақ. Сол себепті құзырлы органдар жүргізушілерден аса қажет болмаған жағдайда жолға шықпауды сұрайды.

Махаббат Нұржанқызы

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.