Жұмыссыздықпен күрес жүйелі жүргізіліп келеді

©

Жұмыссыздық, соның ішінде жастар жұмыссыздығы, қай елдің болмасын өзекті, шешімін табуды қажет ететін мəселесі болып табылады. Бұл — біздің елде де орын алып отырған басты мəселе. Қазақстанның ұзақ мерзімді стратегиялық даму бағдарламасында жұмыссыздық пен кедейшілікті толық та тұрақты жою мәселесі шешілуге тиіс мемлекеттік міндет ретінде анықталғаны белгілі.

Маңғыстау аудандық халықты жұмыспен қамту орталығына жыл басынан бері 1560 адам жүгінді (2017 жылдың осыкезеңінде 765 адам) немесе былтырғы жылмен салыстырғанда өсу 203 пайызды құрады. Жүгінушілердің 94 пайызы жұмыссыздар (1470 жұмыссыздың ішінде 2-3 реттен қайталанып тіркелгендер бар), 6 пайызы өзін-өзі жұмыспен қамтығандар. 1560 адамның 1498-і жұмыс іздеуші ретінде тіркелді. Маусым айында ресми тіркелген жұмыссыздардың саны 463 адамды құрады. Жұмыссыздық деңгейінің өсу себебі «5/50» бағдарламасы бойынша жұмысынан айырылғандар және уақытша жұмыспен қамтылып, 10% зейнетақы жарнасы аударылып отырған әлеуметтік, қоғамдық және жастар практикасына жіберілгендердің жұмыссыздар қатарына қосылуынан болып отыр.

Кешенді жоспарға сәйкес орындалуға тиісті 1624 адамның 1 жартыжылдықта 956-ы бағдарламаға қатысушы ретінде тартылды немесе 59 пайызы жұмыспен қамтудың белсенді шараларымен қамтылды.

Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасының бірінші бағыты бойынша яғни сұранысқа иекәсіптер бойынша, қысқа мерзімді оқыту курстарына 143 азаматты оқыту жоспарланды. Ағымдағы жылдың 1 шілдесіне дейін 7 адам, оның 3 - токарь және 4- мемлекеттік қызметкерге дайындық курстары бойынша оқытылды. 3 адам оқуды бітіріп, оның 1- жұмысқа орналасты. Әртүрлі мамандықтар бойынша оқуға ниет білдірген 55 адамның тізімі жасақталып, әңгімелесуден өтуге «Жаңа Серпін» орталығына жіберілді. Сонымен қатар қазіргі таңда бухгалтерлік «1С» бағдарламасын оқытуға 70 адам қамтылуда.

Техникалық және кәсіптік оқыту бойынша, ағымдағы жылы 103 адамды қамту жоспарланып отыр.

Бағдарламаның екінші бағыты кәсібін ашу немесе дамыту үшін несие алатын азаматтарды «Бастау – Бизнес» жобасы бойынша кәсіпкерлік негіздеріне оқытужәне несие беру болып табылады. Биыл «Атамекен» кәсіпкерлер палатасы арқылы «Бастау – Бизнес» жобасы бойынша 215 адамға кәсіпкерлік дағдыларын үйрету жоспарланды. Қазіргі жағдай бойынша өтініш білдірген 86 адамтестілеуден өтіп, оның 66-сы сертификатын алды (20 адам оқудан шығарылды). Биылғы оқығандардың ішінен 3 бизнес жоба іске асырылып, оларға қаржылай қолдау көрсетілуде. Ал былтырғы жылы оқытылғандардан 12 бизнес жоба іске асырылып, қаржылай қолдау көрсетілген болатын.

Жалпы «Ауылшаруашылық қаржылай қолдау қоры» акционерлік қоғамынан ағымдағы жылы 14 адамға 50 млн. теңге көлемінде несие беру жоспарланды, қазіргі таңда 15 адам (107%) несие алып, өзін-өзі жұмыспен қамтып, бөлінген қаражаттары толықтай игерілді.

Бұдан басқа алғаш рет жаңа бизнес ашуды жүзеге асыру мақсатында мемлекеттік гранттар беру үшін 5 адамға 1 млн. 203 мың теңге бөлінді.

Бағдарламаның үшінші бағытында жұмыссыздарды лайықты бос жұмыс орындарына орналастыру, әлеуметтік жұмыс орындарын құру, жастар практикасын, қоғамдық жұмыс орындарын ұйымдастыру, сондай-ақ жұмыс күші көп өңірлерден жұмыс күші тапшы облыстарға бағдарлама шеңберінде өз еркімен қоныс аударуға көмектесу көзделеді.

Кешенді жоспар бойынша орындалуға тиісті 838 адамның 528-і, яғни 63% пайызы тұрақты жұмысқа орналасты. Жоспардағы 90 адамның 104-і немесе 115 пайызы жастар практикасына жіберіліп, оларға 14 млн. 647,3 мың теңге жұмсалса, 76 адамның 122-сі, яғни 160 пайызы әлеуметтік жұмысқа орналастырылып, оларға 7 млн. 027,7 мың теңге жұмсалды. Сондай-ақ жоспардағы 259 адамның 159-ынемесе 61%-ы қоғамдық жұмыстарға қатыстырылып, оларға 13 млн. 425 мың теңге жұмсалды.

Сонымен қатар үстіміздегі жылы жұмыспен қамтудың жекеше агенттіктері арқылы еңбек делдалдығын ұйымдастыру көзделіп отыр. Бұл шараға 2 млн. 831мың теңге бөлінді.

Сәнімгүл ҚАЙЫМОВА Маңғыстау аудандық халықты

жұмыспен қамту орталығының директоры