Ондылықтар Ақ мешіттің құрылысын бастады

©

Онды ауылында халықтың қаражатымен мешіт құрылысы басталды. Мешіт салу туралы ортақ шешімге ауыл халқы қасиетті Рамазан айында келіп, мешіттің алғашқы тастарын сол айда түсіре бастаған. Бұл туралы өзінің фейсбук парақшасында ауыл тұрғыны, журналист, қоғам белсендісі Жәнібек Қожық жазды. Біз авторға хабарласып, құрылыс жөнінде толық ақпарат сұраған едік. «Кешегі бір жарым айдың ішінде мешіттің орнын заңға сай белгілеп, «Онды ауылы мешіті» қорын әділет басқармасына тіркетіп, қордың есеп шотын аштық. Мешіт салу үшін құрылған арнайы комиссия салынатын мешіттің жобасын талқылып, ақ мешітті (суретте көрсетілген) саламыз деп ортақ шешімге келді», - дейді ол. Ауыл xалқы "Онды ауылы мешіті" қорының төрағасы етіп Жәнібек Қожықты сайлаған. Сонымен қатар 7 адамнан тұратын комиссия құрылған. Ал Ондының ақ мешітінің экскизін сызып, салу жас та болса тәжірибелі сәулетші, шебер Олжас Демесінге жүктелген екен. Оның әкесі Көпбол Демесін – Маxамбет, Жәңгірxан, Дәулеткерей, Хақназар xан сияқты атақты адамдардың кесенесін салған, Қазақстанға белгілі шебер, сәулетші кісі. Ал Олжастың өзі Жамбыл облысындағы Дулат атаның кесенесін салған. Жәнібек Қожық бұл Онды мешіті үшін арнайы сызылған эскиз екенін, басқа мешіттерді қайталамайтынын атап өтті. «Мешіт қазақтың ағаш үйіне ұқсатып салынбақ. Бұл - дәстүрлі дінімізді ұстайтынымыздың белгісі. Әрі Ондының дәстүр мен әдет-ғұрыптарды берік сақтайтын, қаймағы бұзылмаған қазақы ауыл екендігін де көрсетеді. Бүгінде ауылда 160 үй бар, ал мешітке бір мезгілде 100-ге жуық адам сыятын болады», - дейді Жәнібек Сүйеуұлы. [gallery td_select_gallery_slide="slide" ids="58870,58869,58871"] Ауылдықтардың ақ ниетімен басталған құрылыс республикалық деңгейде атап өтілетін Әбіш Кекілбайұлының 80 жылдық мерейтойына дейін аяқталмақ. «Қазір Онды аулының Бақтыбай деген баласы Нұр-Мүбарак университетінде оқып жатыр, жақында бітіреді. Өте сауатты азамат, имам жөнінен ешқандай мәселе жоқ», - деген қор төрағасы шағын ауылда мешіт салып беретіндей ірі кәсіпкер жоқтығына тоқталды. Сондықтан қарапайым ауыл халқының мешіт саламыз деген зор үміті де, «сала алмай қаламыз ба» деген күдігі де бар. Бірақ ондылықтар нар тәуекел деп еш қиындыққа қарамастан, іске кірісіп кетті. Фейсбукке Ж. Қожықтың жазбасы шыққаннан кейін Маңғыстауға белгілі кәсіпкер Самат Мұсабаев мешіт құрылысына көмектесуге дайын екендігін жазды. «Самат бауырымыздың бірінші болып көмектесемін деп ұсыныс айтқанына қуаныштымын. Мешіт - мұсылман баласының Аллаға құлшылық жасайтын қасиетті орны. Кім де кім Алланың жердегі үйі мешітті салуға көмегін көрсетсе, Алла сол пендесін екі дүниеде де шапағатына бөлейді екен. Алла жар болсын деймін», - деп ақ тілегін жаудырды. Ондының ақ мешітін салуға көмектесемін деушілер төмендегі байланыс телефонына хабарласа алады. Байланыс тел: 8701 539 77 00 (Қожық Жәнібек Сүйеуұлы) «Онды ауыл мешіті» БИН 180740009033 ИИК KZ 086010231000046842 АО «Народный Банк Казахстан»БИК HSBKKZKX КБЕ 18 Kaspi GOLD 5169 4931 0169 0843 ЖСН/ИИН 671121301502

Камшат ОҢҒАЛТАЙ,

Эскиздің суретін Ж. Қожық ұсынды