Таушықта соғыс ардагері Х.Елмұханбетовті еске алу кеші өтті

©

Таушық мәдениет үйінде қоғам қайраткері, Маңғыстау ауданының тұңғыш басшысы, Ұлы Отан соғысының ардагері Елмұханбетов Хамидолла Сүйінішқалиұлының туғанына 110 жыл толуына орай «Баба ғұмыр – бала өмір» атты еске алу кеші өтті.

«Болашаққа бағдар: рухани жаң­ғыру» бағдарламалық мақаласы аясында өткен еске алу кеші қо­ғам қайраткерінің өмірі мен ерлік жолын жас ұрпаққа танытып, үлгі ету, патриотизмге тәрбиелеу, білік­тілігі мен бар қажыр-қайратын елі­мізді көркейтуге жұмсаған қоғам қайраткері, ардақты азаматтың есі­мін қазіргі жастар мен келер ұр­пақтың есінде мәңгіге қалдыру мақ­сатына көзделген.

Мәдени шарада Х.Елмұханбе­товтің ескерткішіне оның ұрпақ­тары, ауыл әкімі, ардагерлер тағ­зым етіп, дұға оқылып, гүл шоқтары қойылды. Одан әрі Таушық мәде­ниет үйінде жалғасқан еске алу ша­расы бір минут үнсіздікпен бас­талды. Х.Елмұханбетовтің өмір жолы туралы ауыл әкімі Ш.Азир­баевтың баяндамасы тыңдалып, слайд түрінде ақпарат ұсынылды.

Х. Елмұханбетовтің өмірінен Шахта орта мектебінің оқушылары  көрсеткен «Ер есімі – ел есінде» атты сахналық қойылым, әсіресе Х.Елмұханбетовтің ролін сомда­ған Үгіт Қалқаманның түр-­сипаты, сырт келбеті Х.Елмұханбетовтің ұрпақтарын, барлық көрермендерді ерекше тебірентіп, көздеріне жас алғызды.

Шарада ауылдық ардагерлер кеңесінің төрағасы Күшікбай Са­ғатов, ардагер ұстаз Амангелді Жүнбасов естеліктер айтты.

Қазақстан Журналистер Одағының мүшесі, Түпқараған ауданының құрметті азаматы Медет Дүйсенов Х.Елмұханбетовке жазған арнауын оқыды.

Таушық мәдениет үйінің домбы­рашылар ансамблі «Қолбасшы» күйін, Н.Өскінбаев «Ақтанның тер­месін», «Әке туралы жыр» әнін, А.Шалқыбай, А.Қуанышұлы «Біз Адаймыз» әндерін орындады.

Шара соңында Х.Елмұханбетов­тің ұрпақтары атынан сөз сөйле­ген келіні, ардагер ұстаз Күлән Нә­жиева, Самат Нәбиев және Сұңғат Хами­дуллин ұйымдастырушы­ларға өз ризашылықтарын білдіріп, рахмет айтты. Шараға ауыл әкімі, мекеме басшылары, Х.Елмұхан­бетовтің ұрпақтары, ардагерлер, ауыл тұрғындары, мектеп оқушы­лары қатысты.

Таушық мәдениет үйінде өткізіл­ген бұл шара танымдық және тәр­биелік, рухани мәні зор, қоғам қай­раткері, ардақты азаматты ұлық­таған кеші болып есте қалды.

Жақсы азамат­ - елінің бағы. Ме­рейін үстеген ерінің атын елі тіпті де аласартпақ емес. Сондықтан да ел жақсысының есімі кәдуілгі адами ғұмырдың өлшеміне сыймай, өмір көшімен бірге алға баса бермек, бірге жасай бермек.

Еліне елеулі, халқына қалаулы болған қалпымен өмірден өткен азаматтың есімі есте қалып, ісі, өнегесі, азаматтығы, бекзаттығы жас ұрпаққа дари берсін деп тілей­міз!

Жаңылсын ТАСТЕМІРОВА, Таушық мәдениет үйінің әдіскері

Көрнекі суретті түсірген Т. ҚҰСАЙЫН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.