Сайттың атауы mangystaumedia.kz болып өзгерді

©

Жақсылықты бөліспек керек. Құрметті оқырман, бұған дейін сайтымыздың толықтай ребрендингтен өтіп, атауының да өзгеретінін айтқан болатынбыз. Өздеріңізбен бірге сайтқа төл бейнесін айқын көрсететін креативті жаңа атау да іздеген едік. Редакция алқасы, журналистер құрамы өзара ақылдасып, келіп түскен атаулардың барлығын сараптай келе «сайтымыз бұдан былай mangystaumedia.kz деп аталатын болады» деп шешті.

«Маңғыстау медиа» - облыстық «Маңғыстау», «Огни Мангистау», өлкеміздің барлық аудандарынан шығатын қалалық «Жаңаөзен», аудандық «Қарақия», «Рауан», «Ақкетік арайы», «Мұнайлы» және «Жаңа өмір» газеттерінің басын қосқан медиа холдинг. Сондықтан сайттың да атауы холдингтің құрамындағы 8 газетке ортақ болсын деп шештік.

Қуанышты жаңалығымыз – сайт атауы 2018 жылғы 13 маусымда ҚР Ақпарат және коммуникациялар министрлігінде "Маңғыстау медиа" болып № 17159-ИА нөмірімен қайта тіркелді. Келесі аптада техникалық жұмыстар толықтай аяқталып, mangystaumedia.kz сайтында кездесеміз деген үміттеміз. Бізбен бірге болғандарыңыз үшін рахмет!

P.S. Ұқсас атау (mangystau.media.kz) ұсынғаны үшін Мұхтар есімді оқырманымызға естелік сыйлығымыз бар.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.