Бүгін, 24 желтоқсан күні аймақ басшысы Серікбай Трұмовтың қатысуымен «Біз - еліміздің болашағымыз!» атты жаңажылдық шырша өтті, - деп хабарлайды mangystaumedia.kz сайты Маңғыстау облысы әкімдігінің баспасөз қызметіне сілтеме жасап.
Облыс әкімдігінің баспасөз қызметінің мәліметінше, облыстың ауыл-аймақтарындағы көп балалы және әртүрлі әлеуметтік топтағы отбасылардан 250-ге жуық бүлдіршін шақырылған.
Серікбай Өтелгенұлы балаларды жыл мерекесімен құттықтап, оларға қаржылай сертификаттар, кітаптар мен жаңа жылдық тәтті сыйлықтар табыстады.
Безендірілген шырша жанында кеш қонақтары ертегі кейіпкерлерімен бірге ән шырқап, би билеп концерттік бағдарламаны тамашалады.
Махаббат НҰРЖАНҚЫЗЫ
Суреттерді түсірген Сәби МАЙЕМЕРОВ
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
