Ақтауда «Yessenov Fest-2019» фестивалі басталды
[ 2019 ] 19 сәуір, 11:37 | Жастар беті
Бүгін Ш.Есенов атындағы Каспий технологиялар және инжиниринг университетінде «Жастар жылы» аясында «Yessenov Fest-2019» атты республикалық студенттер фестивалі басталды. Студент жастардың ауқымды фестивалі екі күнге жалғасатын болады. Сонымен қатар, аталған шараға еліміздің әр аймағынан жиналған оқушылар да қатысып жатыр. Олар өздерінің жасампаз ойларын ортаға салып, бизнеске лайықты жобаларын ұсыну арқылы жергілікті жоғары оқу орнының гранттарын сарапқа салады.
Жағажай волейболы, қазақ күресі, шағын футбол додаларынан бөлек республикалық дебат турнирі, «Jas kasipker 2019» стартап жобалар мен шығармашылық (домбыра, дәстүрлі ән, сахналық қойылым) байқаулар бүгін бастауын алды.
- «Жастар жылының» аясында ұйымдастырылып отырған фестивал мақсаты – ең біріншіден Маңғыстау жеріндегі Yessenov университетіне жас талапкерлердің сұранысын арттыру. Өзге облыстардан келген оқушылар өз жобаларын ұсынып жатыр. Біздің университетімізге келешекте еліміздің ірге тасын нығайтар, жасампаз, талантты жастар қажет. Барлық қатысушыларға сәттілік тілеймін! - деп Ш.Есенов атындағы Каспий технологиялық және инженеринг университетінің ректоры Берік Ахметов фестивал шымылдығын ашты.
https://youtu.be/2IrYCJPa3EM
Екі күнге созылатын фестивал қорытындысын оқырмандарымызға қосымша жария етіп отыратын боламыз.
Мадияр ТӨЛЕУОВ
Суреттерді түсірген Талант ҚҰСАЙЫН
[gallery td_select_gallery_slide="slide" ids="77871,77869,77867,77868,77870"]
868
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
