“Маңғыстау-Медиа” сайтының фототілшісі республикалық байқауда бас жүлдеге ие болды

Бүгін «Ауыл» партиясы өткізген “Ауыл нақыштары” дәстүрлі республикалық фотобайқаудат “Маңғыстау-Медиа” сайтының фототілшісі Серік Майемеров республикалық байқауда бас жүлдеге ие болды, деп хабарлайды mangystaumedia.kz.

Байқаудың мақсаты – көпшілік назарын ұлт бесігі ауылға, оның тұрмыс-тіршілігіне ауылдардың шынайы көріністері, әсем табиғаты арқылы аудару, еңбек адамының қоғамдағы мәртебесін көтеру.

Іс-шараға ҚР Парламенті Мәжілісінің депутаттары, ҚР Ауылшаруашылығы министрлігінің, Астана қаласы Мәдениет басқармасының басшылығы, дипломатиялық миссиялардың өкілдері, жоғары оқу орындарының профессорлық-оқытушылық құрамы, шығармашыл зиялық қауым мен жастар қатысты.

Байқауды өткізу барысында партияның auyl.kz ресми сайтына фотоөнер әуесқойларынан, сонымен бірге, жас және кәсіби фотографтардан жалпы саны 500 -ге тарта жұмыс келіп түсті.

Құрамына тәжірибелі фотографтар мен партия өкілдері енген кәсіби қазылар алқасы бірлескен жұмыс барысында жеңімпаздарды айқындап, «Көрермен көзайымы» (іріктеу партияның Telegram каналында ашық дауыс беру арқылы жүргізілді) және «Ауыл еңбеккерінің бейнесі» сынды арнайы сыйлық иелерін анықтады. Жеңімпаздар ақшалай сыйлықтармен марапатталды.

Аталған шара аясында жеңімпаздардың қатысуымен «Ауыл нақыштары» фотокөрмесі ашылды. Астана тұрғындары мен қонақтары фотокөрмені 2 күн бойы тамашалай алады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.