«JasArt» жастар театрының «Беу, қыздар-ай» комедиясының премьерасы өтті

Маңғыстау облысының жастар саясаты мәселелері жөніндегі басқармасының тапсырысымен «JasArt» жастар театрының «Беу, қыздар-ай» қойылымының премьерасы өтті, - деп хабарлайды mangystaumedia.kz сайты облыстық жастар саясаты мәселелері жөніндегі басқарманың баспасөз қызметіне сілтеме жасап.

«JasArt» жастар театры Қанабек Байсейітов пен Қуандық Шаңғытбаевтың туындысына негізделген «Беу, қыздар-ай!» қойылымын сахналады.

Көрермендер жар іздеген жігіттердің махаббат оқиғасымен қатар ауылдың қызыққа толы өміріне сапар шекті. Ауыл тұрғындарының әзіл-қалжыңы, салған әсем әні, сауыншы қыздардың назарына іліккісі келген қаладан келген жігіттердің махаббат жолында ауылды көркейткен іс-әрекеті көптің көңілінен шықты.

Айта кетейік, қазіргі таңда әуесқой әртістерден құралған жастар театрының қоржынында жастар арасындағы әлеуметтік мәселелерді қозғайтын «Кіндік», «Дақ», «Той көйлек» және т.б. 5 туындылар бар.

Жыл соңына дейін көрермен назарына тағы 2 қойылым ұсыну жоспарланған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.