Маңғыстауда 590.0 грамм салмақпен туған сәби ​үйге шығарылды

Облыстық перинатальдық орталығының неанотологтары 590.0 грамм салмақпен туған сәбиді 2585,0 гр дейін жеткізіп, үйіне шығарды, - деп хабарлайды mangystaumedia.kz сайты.

Сәуір айында Мұнайлы ауданының түрғыны Сұлушаш.Т жүктіліктің 23-аптасында салмағы 590,0 грамм, бойы - 28 см нәрестені дүниеге әкелген. Яғни,​ сәби экстремалды өте төмен дене салмағымен туылды.

- Орталықтағы неанотологтар мен мамандардың кәсіби шеберлілігі, ерекше күтімі және анасының шексіз махаббаты арқасында нәрестенің денсаулығы жақсарды. Осылайша, 102 тәулікте сәбидің салмағы 2585,0 гр, бойы -43 см болып үйіне шығарылды, - делінген хабарламада.

Өз кезегінде сәбидің анасы медицина қызметкерлеріне, әсіресе нәрестелер реанимациясы және қарқынды терапия бөлімшесінің ​ дәрігерлері Әлия Тасирова, Римма Рахмет, Данагүл Даулбаеваға ​ және сәбилерді жетілдірудің 2-ші сатысы бөлімінің меңгерушісі Гүлзада Сарбалаевға ​ризашылығын білдірді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.