Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
«1001» күй жобасының авторы, маңғыстаулық күйші Әлия Қарамұқан «Тәуелсіздік Ұрпақтары» атты әлеуметтік жобада бағын сынап, грант ұтып алған. Күйші өз курсында жастарға ұлттық аспаптың қыр-сырын тегін үйретіп, өткен ғасырларда өмір сүрген маңғыстаулық күйшілердің мол мұрасын жастарға насихаттап жүр, деп хабарлайды mangystaumedia.kz сайты.
Күйші екі ай көлемінде жетпіске жуық жоба қатысушыларына домбыраның көптеген қыр-сырын үйретіп, баулиды. Әлия Қарамұқанның өзі ұлттық күй мұрамыздың жүзге жуық күйін біледі. Курс онлайн форматта өткізілгенімен, күйші әр шәкіртімен жеке жұмыс істейтінін жеткізді.
«Шәкірттерге домбыраны 3 түрлі әдіспен үйретіп жатырмын. Біріншісі, сандық жүйе, екіншісі кәсіби деңгейдегі ноталық әдіс, үшіншісі ата-бабамыздан жалғасқан құйма құлақ әдісі. Бұл курсымыздың негізгі мақсаты – қазақтың күйлері арқылы жастардың бойына ізгілік пен ұлттық құндылықты сіңіре отырып, өнерге деген қызығушылығын арттыру. Ата-бабаларымыздың өмірі мен шығармашылығын кеңінен тарату, жаңғырту және насихаттау. Жоба бойынша арнайы бейне үзіктер әзірлеп, ютуб, инстаграм, тик-ток әлеуметтік желілерінде насихаттап отырамыз», - дейді Әлия Қарамұқан.
Жоба қорытындысы наурыз айының аяғында анықталады. Әлия Қарамұқан курс соңында жоба қатысушыларымен кездесіп, мерекелік шара ұйымдастыруды жоспарлап отыр.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.