Маңғыстаулық полицейлер алаяқты ұстады

Жаңаөзен қаласының тұрғыны “қайтарымсыз грант аламын” деп алаяқтың арбауына түсті. Сондай-ақ жәбірленуші 200 000 теңге материалдық шығынға батты, - деп хабарлайды mangystaumedia.kz сайты.

Криминалдық полиция қызметкерлері 31 жастағы жергілікті тұрғынның жеке басын анықтап, ұстады.

"Аталған дерек ҚР ҚК 190-бабы (алаяқтық) бойынша СДТБТ-де тіркелді. Өзге ақпарат тергеу мүддесінде жария етілмейді", - дейді облыстық ПД баспасөз қызметі.

Маңғыстау облысының Полиция департаменті өңір тұрғындары мен қонақтарын алаяқтардан сақ болуға шақырады. Сенімсіз есепшоттарға қаражат аудармауды сұрайды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.