Жетібай ауылында жаңа стелла ашылды

Қарақия ауданына қарасты Жетібай ауылында жаңа стелла ашылды, деп хабарлайды mangystaumedia.kz аудан орталығының баспасөз қызметіне сілтеме жасап.

Жаңа нысанның жалпы аумағы 1 225 шаршы метр, биіктігі 9, ені 14 метрді құрайды.

Мемлекеттік сатып алу порталы арқылы конкурс беріліп, жеңімпаз мекеме анықталған. Конкурс нәтижесінде 14,5 млн теңгемен «ЖК Орханов» ұтып алған.

Жұмыстарын жүргізген мердігер мекеме аумақты толығымен қоршап, құрылыс - монтаж жұмыстарын толығымен аяқтады.

Жаңа стелла аумағында демалушыларға арнайы орындықтар қойылған, қауіпсіздікті қамтамасыз ету мақсатында заманауи жарық шамдар мен бейнебақылау камералары орнатылған. Сонымен қатар, жаңа нысанның алдына автокөлік тұрағы да қамтылған.

-Ауылымызды абаттантандыру мақсатында жүйелі жұмыстар жүргізіліп жатыр. Соның бір дәлелі жаңадан салынған стелла. Бұнымен тоқтамай, осындай жұмыстар жалғасын тауып, алда атқаратын жұмыстарға сәттілік тілеймін, ауылымыз ажарлана берсін, - дейді ауыл тұрғыны.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.