Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
2023 жылы 27 қаңтардан 28 қаңтарға қараған түні Маңғыстау облысы ПД есірткі қылмысына қарсы іс – қимыл басқармасының қызметкерлері жедел-іздестіру іс-шараларын жүргізу барысында Ақтау қаласының аумағында Маңғыстау облысы Форт-Шевченко қаласының тумасы, 1986 жылғы “Д” есімді азамат ұсталды. Жеке тінту жүргізу барысында "альфа-PvP" синтетикалық есірткі затының 15 байламы тәркіленді, деп хабарлайды mangystaumedia.kz облыстық ПД-ға сілтеме жасап.
“Д” есімді азаматты ұстау барысында сол жердегі Ақтау қаласының тұрғынының, Маңғыстау облысы Құрық кентінің тумасы 34 жастағы “У” есімді азаматтың басқаруында болған “Опель Астра” маркалы автокөліктің автосалонында (ұсталған “Д” есімді азамат Ақтау қаласы бойынша есірткінің ірі топтамаларын тасымалдаған) автокөлікке жүргізілген тінту барысында “Альфа-PVP" синтетикалық есірткі құралының 80 байламы тәркіленді. "Д" есімді күдікті оларды Ақтау қаласы бойынша жасырын сақтау және тасымалдаумен айналысқан.
Тұрғылықты жері бойынша тінту жүргізу кезінде "Д" есімді күдіктінің Мұнайлы ауданы Атамекен ауылында орналасқан жеке үйінен "альфа-PVP" синтетикалық есірткі затының 1 байламы тәркіленді.
Ақтау қаласының аумағында орналасқан "Д" есімді ұсталған адамның жалдамалы пәтеріне тінту жүргізу кезінде (ол байламдардың ірі партияларын сақтауға және өлшеп орауға арналған: "альфа-PVP" синтетикалық есірткі құралының 1 үлкен байламы, 2 орташа байламы және 3 байлам, 5 дана электрондық таразы табылып, тәркіленді. Сондай-ақ, "зиплок" пакеттері – 100 дана, әртүрлі диаметрлі электрлік таспа – 8 дана, қайшы – 1 дана, пассатиж – 2 дана, пластикалық қасықтар – 3 дана және медициналық қолғаптар – 2 дана.
"Альфа-PVP" препаратының жалпы салмағы-480 грамм.
Ұсталған “Д” есімді азаматқа қатысты ҚР ҚК 297-бабы 3-бөлігі бойынша сотқа дейінгі тергеп-тексеру басталды (өткізу мақсатында аса ірі мөлшерде есірткі құралдарын заңсыз сақтау және тасымалдау), осы бап бойынша мүлкі тәркіленіп, 15 жылға дейін бас бостандығынан айыру түріндегі жаза көзделген.
Сотқа дейінгі тергеу жалғасуда. Тергеу мүддесі үшін өзге ақпарат жария етілмейді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.