Маңғыстауда оқушыларға 50 мың теңгеден беріледі

Маңғыстау облысы әкімінің қолдауымен ата-аналарға балаларын мектепке дайындау үшін көмек ретінде 50 мың теңге беріліп жатыр. Бүгінгі күні қажетті құжаттарын тапсырған әр балаға аталған қаржы аударылуда, - деп хабарлайды mangystaumedia.kz.

Бұл көмек төтенше жағдайға тап болған, ата-анасының қамқорлығынсыз қалған және әлеуметтік көмек алатын отбасылардан шыққан балаларға беріледі.

«Еске салайық, ата-аналар қажетті тауарларды сатып алғаннан кейін 10 жұмыс күні ішінде қаражаттың нысаналы пайдаланылғанын растайтын құжатты білім беру ұйымына ұсынуы тиіс. Яғни, ата-аналар түбіртек көрсетуге міндетті», - деп жазылған облыстық білім басқармасының хабарламасында.

Айта кетейік, материалдық көмекті алу үшін әр ата-ана мектеп директорының атына өтініш жазуы керек.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.