ҚР Біріккен Ұлттар Ұйымының Даму Бағдарламасы (БҰҰДБ) Маңғыстау облысы әкімдігінің қолдауымен Маңғыстау облысында кәсіпкерлік дағдыларды дамыту және креативті индустриялар стартаптарын жеделдету жөніндегі білім беру бағдарламасы іске қосылды және барлық ниет білдірушілерді белсенді қатысуға шақырады, - деп жазады mangystaumedia.kz.
Алты аптаға созылатын білім беру бағдарламасы Ақтау, Бейнеу және Жаңаөзен қалаларында командалар үшін апта сайынғы онлайн трекерлікпен өтеді.
Білім беру бағдарламасы бизнес-жоспарларды әзірлеу, идеяларды ұсыну, бизнес-жоспарлау, цифрлық маркетинг құралдары, қаржыны басқару, зияткерлік меншікті қорғау және креативті индустриялар салаларында технологиялар мен инновацияларды енгізу сияқты тақырыптарды қамтиды. Оқыту бағдарламасына апта сайын офлайн кездесулері қарастырылған.
Осы бағдарлама аясында қатысушылар өз стартаптарын және қолданыстағы бизнес-бастамаларды дамыту бағдарламаларын әзірлейді. Білім беру бағдарламасының қатысушыларына креативті индустрия саласының спикерлерінің дәрістері қолжетімді болады.
Бағдарламаның соңғы кезеңінде креативті индустриялар салаларының стартаптарды таныстыру күні өтеді, онда команда қатысушылары дайын жобаларын қазылар алқасы мүшелері мен әлеуетті инвесторларға көрсетеді.
Бағдарлама ағымдағы жылдың 5 қыркүйегінде басталады.
Білім беру бағдарламасына қатысуға үміткерлер:
1) google формасын толтыруы керек: https://forms.gle/bJAPm9EN8r172hsc6
Резюмеңізді diabdrakhmet@gmail.com электрондық поштасына «Creative Mangystau» тақырыбымен жіберіңіз.
2)Ең дайын және ынталы үміткерлер бағдарламаға қатысуға шақырылады, google формасында көрсетілген электрондық пошта мекенжайлары арқылы хабарланады.
Жобаға креативтік сектордағы іске асырылған, дамып келе жатқан және жаңа кәсіпкерлік бастамалар қатыса алады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
