Белгілі актер дауыс берді

Бүгінгі саяси додада белсенділік танытушылар арасында зиялы қауым өкілдері, өнер иелері де болды. Солардың бірі Н.Жантөрин атындағы музыкалық драма театр актері, ҚР ,,Дарын,, мемлекеттік жастар сыйлығының, ,,Еңлікгүл - 2016,, кәсіби театр сыйлығының, ,,Ерен еңбегі үшін,, медалінің иегері Медғат Өмірәлиев.

Т.Жүргенев атындағы Қазақ Ұлттық Өнер академиясын 2003 жылы ,,Актерлік өнер,, мамандығы бойынша бітірген Медғат Маңғыстау облысының музыкалық драма театрына қызметке келгелі көрермен көзайымына айналған өнер иесі. Ол 50 шақты басты рөлмен қатар кинода бақ сынап, қазақ көрермендерінің ықыласына бөленді.

М.Өмірәлиев сайлаушы ретінде 17 шағынаудандағы сайлау бөлімшесінен еліміздегі тұрақтылық пен тыныштық, мемлекетіміздің өркендеуі мен дамуы үшін дауыс бергенін айтады.

Жалпы театр актёрлері саяси додаға белсенділікпен атсалысуда.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.