Әскерилер арасында шағын футболдан жарыс өтті

ҚР Ұлттық ұланының Ақтау қаласында орналасқан 6656 әскери бөлімінің әскери қызметшілері арасында шағын футболдан турнир өткізілді, деп хабарлайды mangystaumedia.kz әскери бөлімге сілтеме бере отырып.

Жарыстың басты мақсаты – әскери қызметшілер арасында салауатты өмір салтын дәріптеу, қызметкерлердің дене шынықтыру дайындығын жоғары деңгейде ұстауын қамтамасыз ете отырып, спорттық даярлығын дамыту болып табылады. Спорттық додаға барлығы 6 команда қатысып өзара бақ сынады.

-Мұндай спорттық жарыстар салауатты өмір салтын қалыптастырып, әскери қызметшілердің арасында шыдамдылық пен төзімділікті дамытады дейді – 6656 әскери бөлімінің дене даярлығы және сполрт бастығы капитан Жеңісхан Бөртекеев.

Жарыстың қорытындысы бойынша бірінші орынды - 1 атқыштар ротасының командасы, екінші орынды – 2 жедел мақсаттағы ротасының командасы, үшінші орынды – 3 жедел мақсаттағы ротасының командасы жеңіп алды. Жарыс соңында жеңімпаз командалар мен жүлдегерлер жарыс кубогымен, дипломдармен марапатталды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.