Амфитеатр алаңында алғаш рет журналистер үйі тігілді

Биыл Наурыз мейрамында алғаш рет Журналистер үйі тігілді. Мұнда өңірдегі БАҚ өкілдері қазақша нақыштағы киім киіп, ұлттық тағамдардан дастарқан жайып, қала тұрғындарын қарсы алып жатыр, - деп хабарлайды mangystaumedia.kz сайты.

Киіз үй ҚР Журналистер Одағының Маңғыстау облыстық филиалының ұйымдастыруымен құрылған. Облыстық "Маңғыстау Медиа" ЖШС және "Маңғыстау" телеарнасының жәдігерлері, өңір басылымдары мен архивтегі суреттерден көрме жасақталған.

- Биылдап бастап Мемлекет басшысы Қасым-Жомарт Тоқаевтың шешімімен Наурыз мейрамы ерекше тойланып жатыр. Осы орайда облыстың журналистері де бас алаңға киіз үйімізді тігіп, халыққа мерекелік көңіл-күй сыйлауды жөн көрді. Келген тұрғындар облыстағы БАҚ жұмысымен танысып, киіз үйден дәм татуда, - деді ҚР Журналистер Одағының Маңғыстау облыстық филиалының төрағасы Гүлмира Әбішова.

Наурыз мейрамын тойлауға келген тұрғынның бірі - Алина Иманова. Ол архивте сақталған журналистердің суретін қарап, көне құрылғыларды тамашалап, журналистер еңбегіне тәнті болды.

Айта кетейік, бүгін Амфитеатр алаңына 40-қа жуық киіз үй тігілді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.