Ақтауда 30 қыркүйек күні мемлекеттік қызметкерлер сенбілік жасады. Сенбілік аясында 6 тоннаға жуық қоқыс шығарылды, деп хабарлайды mangystaumedia.kz қала әкімдігінің баспасөз қызметіне сілтеме жасап.
Сенбілікке облыс және қала әкімдігінің 260-қа жуық қызметкері қатысты. Іс-шара барысында 9A ш/а «I love aktau» композициясынан бастап 4А ш/а «Жалау Мыңбайұлы» ескерткішіне дейін, 20 ш/а №33 үйден бастап «Отырар сити» тұрғын үй кешеніне дейін, 15 ш/а «Самал» теңіз жағалауындағы автотұрағынан бастап «Президент» саябағына дейінгі аумақ тазартылды. Сондай-ақ сенбілікке төрт техника жұмылдырылды. Қала әкімдігінің тарапынан қызметкерлерге сенбілікке қажетті қолғап және қап берілді. Қаланы санитарлық тазарту іс-шаралары 15 қазанға дейін жалғаспақ.
-Сенбіліктің басты мақсаты - қаланың тазалығы мен экологиялық жағдайын жақсарту. Аталған шарада барлығы 6 тоннаға жуық қоқыс шығарылды. Бұл сенбілік жыл сайын көктемгі және күзгі уақытта өткізіледі. 15 қыркүйек пен 15 қазан аралығында елді мекендер аумағын абаттандыру мен санитарлық тазарту іс-шаралары жүргізіледі, - деді Ақтау қалалық тұрғын-үй коммуналдық шаруашылық бөлімінің сектор меңгерушісі Бахтияр Мақсатов.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
