Ақтауда қала әкімінің орынбасарына айыппұл салынды

Ақтау қаласы әкімінің орынбасары кәсіпкерлікпен айналысқаны үшін 483 мың теңге айыппұл төлейді, деп хабарлайды mangystaumedia.kz Антикордың баспасөз қызметіне сілтеме жасап.

Бұл туралы қоғамдық коммуникациялар қызметінде өткен брифингте Сыбайлас жемқорлыққа қарсы қызметтің Маңғыстау облысы бойынша департаментінің басшысы Шамұрайт Шәменов мәлім етті.

-“Ағымдағы жылдың басынан бері департаментпен 30 әкімшілік хаттамалар жасалып, олардың қаралу қорытындысы бойынша бюджетке 10 млн теңге көлемінде айыппұлдар төленді», - деп түйіндеді департамент басшысы.

Ақтау қаласы әкімінің орынбасары қолданыстағы шектеулер туралы біле тұра, кәсіпкерлік қызметті пайдаланған, ӘҚБтК-нің 154-бабының (Қазақстан Республикасының заңнамасымен белгіленген тұлғаның кәсіпкерлік қызметпен айналысу) талаптарын бұза отырып жүзеге асырған. Ол үшін 483 мың теңге көлемінде айыппұл салынды.

Сыбайлас жемқорлық фактілері белгілі болған жағдайда тәулік бойы жұмыс істейтін Сыбайлас жемқорлыққа қарсы қызметтің 1424 Call-орталығына хабарлауға болатынын еске саламыз.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.