Ақтау ұн бағасының өсімі бойынша үштікке енді

Қазан айының қорытындысы бойынша ұн бағасы жыл басынан бері рекордтық көрсеткішке, яғни 41,3% - ға, ал былтыр қазан айымен салыстырғанда-44,3% - ға өскен. Бір ай ішінде ұн бағасы 1,2% - ға өсті, деп хабарлайды mangystaumedia.kz ҚР АӘК Ұлттық статистика бюросына сілтеме жасай отырып.

Бір келі жоғары сұрыпты бидай ұны Астанада — 447, ал Ақтауда — 411, Шымкентте - 406 теңгені құрады. Ең арзан баға Ақтөбеде - 279, Павлодар - 292 теңге мен Жезқазғанда - 296 теңге, сондай-ақ Семейде - 296 теңге тіркеліп отыр.

Бірақ бірінші сұрыпты бидай ұнының бағасы Ақтауда 335 теңгені құрап, Алматыда 306 теңгені, ал Астанада 298 теңгені құрады. Ең төменгі баға Петропавлда тіркеліп, 145 теңгені құрады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.