Қазақстан Республикасы Парламенті мәжілісі және жергілікті мәслихат депутаттарын сайлауда дауыс берудің маңыздылығы жоғары. Бұл сөзімізді Бейнеу ауданы Сарға ауылының Мамбетқазиев Жәлел және Боранов Махмұд атты зейнеткер ақсақалдары да қолдайды. Денсаулық жағдайларына байланысты үйде отырса да, науқанның маңыздылығын ұғынған қариялар үйден дауыс беруге өтініш білдірді. Қарияларға көшпелі сайлау жәшігі жіберіліп, таңдау жасады.
Жәлел ақсақал 1935 жылы дүниеге келген ұзақ жылдар аудан дамуы жолында қажырлы еңбек еткен Бейнеу ауданының Құрметті азаматы. Махмұд ақсақал Сарға ауылының ақылшы қариясы. Бейнетінің зейнетін көрер шаққа келген ардагерлер ұл мен қыз өсіріп, немере-шөбере сүйіп отырған киелі қара шаңырақтың шырақшылары. Сайлаудан қалыс қалмай дауыс беріп, «сайланатын депутаттар ел игілігі үшін қызмет етеді деп сенеміз» деп сенім білдірді.
Бейнеу ауданы бойынша үйден дауыс беруге 26 өтініш келіп түскен.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
