Маңғыстау еріктілері үндеу жолдады

Біз, Маңғыстау еріктілері, жалпыға ортақ мүддені білдіре отырып үндеу жолдаймыз!

Біз секілді жалынды жастарды ұлан-байтақ Ұлы дала – тәуелсіз Отанымыздың жарқын болашағына деген селкеусіз сенім, алғаусыз үміт пен жүгі зор жауапкершілік Ұлы мақсат төңірегіне топтастырады. Дамудың дара даңғылына түскен елімізді бүгінгіден де қуатты мемлекетке айналдыру – баршамызға ортақ қасиетті парыз.

Былтыр ұлт көшбасшысы Елбасы бастамасы мен жария етілген Жастар жылы еліміздің түкпір-түкіпірінде талабы зор, ынтасы мол жас буын өкілдерінің жаппай қызу қолдауына ие болып, жемісті жүйеледік. Ал жаңа 2020 жылды «Волонтер жылы» ретінде атауда зор астар жатыр деген ой түйеміз.

Осы орайда, «Волонтер жылы» аясында әр түрлі салада еңбек етіп жүрген волонтерлық ұйымдардың жүйелі түрде бірлесе қызмет атқарып, қоғамдық жұмыстарға белсене ат салысуы бүгінгі күннің қажеттілігі деп білеміз.

Сондықтан біз, маңғыстаулық еріктілер ұйымдары өңіріміздің барлық еріктілер қозғалыстарын Отанымыздың гүлденуіне, азаматтардың өмір сүру сапасын арттыруға, жақсылық жасап жарысуға, қайтарымсыз қайырымды іс қылуға, ауылдарды абаттандыру жұмыстарына белсенді қатысуға, экологиялық бастамаларды қолдау, балаларды қорғау, әлеуметтік осал топтарға көмек көрсету жолында қатарымызға қосылуға және өңір жұртшылығын еріктілер ұйымдарына қолдау көрсетуге шақырамыз!

Біз, Маңғыстау еріктілері - барлық күш-жігерімізді бірлігімізді сақтауға, Отанымыз - Қазақстан Республикасының өркендеуіне және халық игілігі үшін жұмсайтындығымызды атап өтеміз!

Қайырымдылық пен адамгершілік біздің басты қағидамыз!

Маңғыстау еріктілері:

1) «Жас Отан» ЖҚ МОФ

2) МО «Ақ жол-жастары» жастар қанаты

3) «МО Қазақстан халқы Ассамблеясы» жанындағы ерікті жастары

4) «Эко Мангистау» ҮЕҰ

5) «Волонтерлар корпусы» еріктілер тобы

6) «Бекен жастары» жас көшбасшылар достастығы

7) «Мы люди – Мы вместе» қоғамдық қоры

8) «Ақтау қайырымды жандары» қайырымдылық тобы

9) «Добрые люди» еріктілер тобы

10) «Ақтау SOS» еріктілер тобы

11) «Көмек» қайырымдылық қоры

12) «Атадан мирас» қоры

13) «Дари добро» еріктілер тобы

14) Жаңаөзен қалалық еріктілер корпусы

15) «Жаңаөзен қайырымды жандар» қайырымдылық тобы

16) «Мейірім» қайырымдылық тобы

17) Қарақия аудандық еріктілер корпусы

18) «Достар» қайырымды еріктілер тобы

19) «Жетібай жастары» қайырымды еріктілер тобы

20) «Мұнайшы жастары» қайырымды еріктілер тобы

21) «Бейнеу Мейірім» қайырымды еріктілер тобы

22) Маңғыстау аудандық еріктілер корпусы

23) Мұнайлы аудандық еріктілер корпусы

24) «Үммет жастары» қайырымды еріктілер тобы

25) «Мұнайлы көз» қайырымды еріктілер тобы

26) «Мұнайлы қайырымды жандары» қайырымдылық тобы

27) «Түпқараған қайырымды жандары» қайырымдылық тобы

28) «Таушық жігіттері» еріктілер тобы

29) «ТГТК» еріктілер тобы

30) «Жас саясаткерлер мектебі» еріктілер тобы

31) «Біз дайынбыз» еріктілер тобы

32) «Мейірім-Түпқараған» еріктілер тобы

33) «Қызыл өзен» еріктілер тобы

34) Ш. Есенов ат. КМТжИУ «Қазақстан халқы Ассамблеясы Кафедрасы» еріктілер корпусы

35) «Клуб добряков Актау» еріктілер тобы

36) Қазақстан Коммунисттік Халық партиясы МОФ "Үлкенге ізет" еріктілер тобы