Жаңаөзенге іргелес ауылдарда тазалық жұмыстары жүргізілді

Жаңаөзен қаласына іргелес ауылдарда тазалық жұмыстары жалғасуда, деп хабарлайды mangystaumedia.kz қала әкімдігінің баспасөз қызметіне сілтеме жасап.

Қызылсай ауылының санитариялық тазалығына «Тазалық-С» мекемесі бірнеше арнайы техника бөліп, 8 аула сыпырушы жұмылдырылды. Теңге ауылы бойынша тұрмыстық қатты қалдықтарды шығаруға 3 автотехника бөлінді. 14 аула сыпырушы ауыл көшелерін тазалады.

Ал Рахат ауылының санитариялық тазалық қызметіне «Рахат» және «Ақсу» шағынаудандарына 3 арнайы техника мен 11 адам жұмылдырылып 6 рейс тұрмыстық қатты қалдықтар шығарылды. Кендірлі ауылында тұрмыстық қатты қалдықтарды шығаруға және тасымалдауға бірнеше техника бөлініп, 5 тазалықшы тартылды.

Тұрмыстық қатты қалдықтар Жыңғылды, Көкесем, Саура көшелерінің 5-11 аралық көшелерінен шығарылды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.