Каспий теңізінің жағалауында болған оқиға деп әлеуметтік желіде тараған виддеодағы балықтар анықталған жоқ, деп хабарлайды mangystaumedia.kz
Маңғыстау облысы балық шаруашылығы басқармасының басшысы Арман Молдашевтің айтуынша, 29 тамызда әлеуметтік желіде жарияланған Каспий теңізінің жағалауында көп мөлшерде өлі кефаль балығының жатқаны туралы бейнежазбаға сәйкес, бақылау жүргізілген.
- Осы дерек туралы жұмыс тобының барлық мүшелеріне жедел түрде хабарланды. 2022 жылғы 29-30 тамыз айында мән-жайды анықтау үшін жергілікті атқарушы органның, Маңғыстау облысының мамандандырылған табиғат қорғау прокуратурасының, Маңғыстау облысы бойынша балық инспекция басқармасының, Маңғыстау облысы полиция департаменті жергілікті полиция қызметі басқармасының табиғатты қорғау жөніндегі жедел қызыметінің және Маңғыстау облысы экология департаментінің өкілдерінен тұратын жұмыс тобы «Қаражанбас», «Қаламқас» және «Қаратұрым» кен орындары аумағында Каспий теңізінің жағалауларына автокөлікпен тексеріс жұмыстарын жүргізді. Алайда, атокөлікпен бара алмайтын аймақтары да болды. Осыған орай, 2022 жылғы 31 тамыз күні жұмыс тобы жергілікті уақытпен 12.50 ден 14.15 аралығында «МИ-8» тікұшағымен әуе арқылы ұшу кезінде Каспий теңізінің «Қаражанбас» кен орнынан бастап «Комсомол залив» аумағына дейін бақылау жұмысын жүргізді,-деді Арман Молдашев.
Басқарма басшысы тікұшақпен қарау кезінде де Каспий теңізінің жағалауында өлген балықтар анықталмағанын атап өтті.