Бұл туралы Маңғыстау облысы ПД Есірткі қылмысына қарсы іс-қимыл басқармасының полиция уәкілі Балзипа Бердешова мәлімдеді, деп хабарлайды mangystaumedia.kz Қоғамдық коммуникация орталығына сілтеме жасап.
Оның айтуынша, 228 есірткі қылмысына қарсы теріс қылықтар мен есірткі қылмысының 29 фактісі тіркелді.
Жалпы,заңсыз есірткі айналмынан 244 келіден астам есірткі заты тәркіленген.
- Есірткінің қылмысын алдын-алу бағыты бойынша Жастардың өңір аумағында есірткі құралдарына тарту мәселесі қоғамға басты қауіп-қатердің бірі болып табылады, ол тек құқық қорғау органдары тарапынан ғана емес, барлық мемлекеттік органдар, үкіметтік емес ұйымдар және тұтастай алғанда азаматтық қоғамның барлық институттары тарапынан тиісті және уақтылы шаралар қабылдауды талап етеді. Жыл басынан есірткі қылмысын алдын-алу бойынша 85 профилактикалық іс-шаралар ұйымдастырылып, қоғамдық орында жарнамаланған 352 граффити жазулары анықталды және жойылды, - деді Балзипа Бердешова.
Сондай-ақ, есірткі заттарымен олардың аналогтарын жарнамалайтын және сататын «Кибернадзор» жүйесі бойынша 31 интернет сайттары бұғатталған.
Облыстық психикалық денсаулық орталығының бөлім меңгерушісі Қорлан Елеуова өңірдегі есепте тұрғандар туралы ақпарат берді.
- Алкогольді тұтыну бойынша – 1310 адам, есірткі пайдалану бойынша - 602 (опиоидтер – 298, каннабиноидтер – 223, седативті және ұйықтайтын таблеткалар – 1, ұшпа еріткіштер-1, жанамалас есірткіні қолдану-79). Әйелдер саны – 154, оның ішінде алкогольді тұтыну бойынша – 124, есірткі қолдану бойынша – 30. Кәмелетке толмағандар жоқ. Алкоголизммен, нашақорлықпен, уытқұмарлықпен ауыратын науқастарды емдеу ерікті емдеу бөлімшесінде және мәжбүрлеу бөлімшесінде жүргізіледі, сондай-ақ науқастар жоғары мамандандырылған медициналық көмек алу үшін Павлодар қаласындағы Республикалық психикалық денсаулық орталығына жіберілуі мүмкін,- деді Қорлан Елеуова.