Маңғыстауда 74 мыңнан астам адам ревакциналаудан өтті

Маңғыстауда 74 308 адам ревакцинациядан өтті. Бұл туралы брифингте Маңғыстау облысы денсаулық сақтау басқармасы басшысының орынбасары Асқар Сағымбаев айтты, - деп хабарлайды mangystaumedia.kz сайты.

- Оның ішінде 7364 медицина қызметкері, 1594 мемлекеттік қызметкер, 5320 күш құрылым қызметкер, 7197 өндіріс қызметкері, 4351 вахталық әдіспен жұмыс істейтін қызметкер, 9641 педагог, 663 халыққа қызмет көрсету орталығы қызметкері, әуежайдан 60 қызметкер,
1018 тамақ қызметкері, 1425 сауда кәсіпорнының қызметкері, 698 жүкті әйел, 2280 – 50 жастан жоғары, 2766 студент және басқалары екпе алды,-деді Асқар Сағымбаев.

Облысқа 699 685 доза вакцина жеткізілген (Спутник В- 1 150 095, Спутник 2 – 152 640, Спутник Лайт – 2000, Казвак – 62 860, Хаят вак – 27 000, Коронавак – 20 000, Веросел Синофарм – 129 480), Пфайзер -155 610), оның 499 957 дозасы егілді.

Қазір қолданыста «Синовак вероселл»; «CoronaVac»; «Pfizer» вакциналары бар.

I – компонентпен 259 164 (66,7%), II – компонентімен 240 793 (62,0%) адам егілді.

Облысқа 156 610 доза Пфайзер вакцинасы келді. Қазіргі таңда I кезең бойынша 43 522 дозасы егілді, 2 кезең бойынша 28 361 дозасы егілді.

Сондай-ақ Асқар Сағымбаев «Стелс-Омикрон» штамы туралы да айтып өтті.

- Барлық өңірде BA.1 «Омикрон» штамы 98,6 % анықталды, оның ішінде 12 өңірде BA.2 «Стелс-Омикрон» штамы 36,7%-да анықталды. Сондай-ақ B. 1.617-like Delta штамы айналымда жүр және зерттелетін сынамалар саны - 1,4%.

ПТР скрининг нәтижелерін растау үшін толық геномдық секвенирлеу жүргізіледі. Ол айдың соңына қарай аяқталады. Маңғыстау облысында «Стелс-Омикрон» штамы әлі анықталған жоқ.

Бірақ эпидемиологиялық жағдай тұрақтанғанына қарамастан, министрлік коронавирусқа қарсы вакцинацияны, ревакцинацияны уақытылы жүргізуді ұсынады,- деді Асқар Сағымбаев.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.