Мифолог Серікбол Қондыбайдың шығармашылығына арналған квест-ойыны ұйымдастырылды

18 мамыр Халықаралық музей күні мен «Балалар жылы» аясында Маңғыстау аудандық мемориалдық музейінінде «Маңғаз дала мақтанышы» облыстық квест байқауы өтті. Шара мифолог ғалым, тарихшы және өлкетанушы Серікбол Қондыбайдың еңбектеріне арналды, - деп хабарлайды mangystaumedia.kz облыстық ҚКО-ға сілтеме жасап.

Іс-шараға 12-14 жас аралығындағы 48 білім алушы қатысты.

Оқушылар «Маңғыстау кереметтері» номинациясы бойынша экрандағы ұяшықтарды таңдау арқылы С.Қондыбайдың «Маңғыстаунама» шығармасында жазылған нысандардың шығу тарихы мен аңыз-әңгімелерін баяндады.

«Үздік мифологиялық комикс» кезеңінде ғалымның мифологиялық шығармаларындағы кейіпкерлерінен авторлық комикс-журналдар ұсынды.

«Интеллект» номинациясында «Есен-Қазақ» шығармасынан берілген түрлі тапсырмаларды орындай отырып, квест кезеңдерінен өтті.

«Маңғыстау кереметтері» номинациясы бойынша І орын Бейнеу ауданы М.Бегенов атындағы жалпы білім беретін мектебінің 7-сынып оқушылары Әсел Сәркенова мен Ақжүніс Меңдіқұловаға бұйырды. ІІ орынға Ақтау қаласы С.Қондыбай атындағы №22 атындағы мектеп-гимназиясының 8 сынып оқушылары Сахи Дінмұхаммед пен Алима Махамбет және Маңғыстау ауданы М.Атымов атындағы жалпы білім беретін мектебінің 7-8 сынып оқушылары Дидар Биғали мен Слам Әділет ие болды.

ІІІ орынға Түпқараған ауданы, жекелеген пәндерді тереңдетіп оқытатын мамандандырылған Форт-Шевченко мектеп-интернатының 7 сынып оқушылары Индира Аманқос пен Сымбат Құттыболат және Мұнайлы ауданы №10 жалпы білім беретін мектебінің 8 сынып оқушылары Күләш Сейтходжа мен Айдана Базарбай лайық деп танылды.

«Үздік мифологиялық комикс» номинациясы бойынша І орынды Ақтау қаласы Ф.Оңғарсынова атындағы №29 жалпы білім беретін мектебінің 7-8 сынып оқушыларына Ақбота Аққайыр мен Нұршуақ Бекқожа Нұршуақ иеленді. ІІ орын Маңғыстау ауданы М.Атымов атындағы жалпы білім беретін мектебінің 6-7 сынып оқушылары Ақшолпан Толыбек пен Адина Абылайқызы және Білім-Инновация лицейінің 7-8 сынып оқушылары Ерсұлтан Маратов пен Ахмет Мырзағалиге бұйырды. ІІІ орынға Мұнайлы ауданы №2 жалпы білім беретін мектебінің 7 сынып оқушылары Фатима Тульбай мен Гүлназ Бұрқаш және Түпқараған ауданы жалпы білім беретін Шахта мектебінің 7 сынып оқушылары Гаухар Балуанияз бен Ақбота Өтемұрат лайық деп танылды.

«Интеллект» квест ойындары номинациясы бойынша І орын Бейнеу ауданы, М.Бегенов атындағы жалпы білім беретін мектебінің 8 сынып оқушылары Айнұр Боранова мен Рысбек Оңайбаевқа бұйырды. ІІ орынға – Ақтау қаласы, С.Қондыбай атындағы №22 мектеп-гимназиясының 8 сынып оқушылары Кәмшат Бердіқожа мен Ботагөз Мнажаддин және Маңғыстау ауданы Өтес жалпы білім беретін мектебінің 6-сынып оқушылары Жанеркем Киікбай мен Кәусәр Дариябай жайғасты. ІІІ орын Қарақия ауданы жалпы білім беретін мектеп -гимназиясының оқушылары Ақырыс Тайшыбек пен Ақнұр Қыдырша және Түпқараған ауданы Ақшұқыр мектеп-лицейінің 8 сынып оқушылары Абзал Бауыржан мен Жанақ Оңғарбекке берілді.

Шара соңында қатысушыларға арнап музей қызметкерлері «Серікбол феномені», «Мифология» және «Ғаламның мифтік моделі» залдарына экскурсия ұйымдастырып, С.Қондыбайға арналған «Жәдігер» мультанимациялық кинофильмі көрсетілді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.