Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Маңғыстау облыстық ауруханасында жүрек тамырынан бифуркационды 99 пайыз стеноз анықталған науқасқа операция жасалды, - деп хабарлайды mangystaumedia.kz сайты.
Маңғыстау облыстық ауруханасы баспасөз қызметінің айтуынша, 1952 жылғы науқас облыстық ауруханаға жоспарлы түрде түскен. Ота сәтті өтіп, стенттеуден кейін науқас бірден палатаға жатқызылған.
- Дәрігерлер жоспарлы түрде коронарография жүргізді. Нәтижесінде жүректің үлкен тамыры басталатын аузынан 99% стеноз анықталды. Мұндай диагноз өмірге қауіпті. Яғни, науқастың инфаркт алу қаупі жоғары болды, - деді аритмолог-дәрігер Құрбанәлі Сабдинов.
Дәрігерлер науқасқа коронарлық артерияларды стенттеуді республикалық деңгейде Нұр-Сұлтан немесе Алматыға баруды ұсынған. Бірақ науқас аталған ұсыныстан бас тартты.
Сондықтан Нұр-сұлтан қаласынан дәрігерді арнайы шақыртып, облыстық аурухана қабарғасында 1 санатты, ангиохирургия, интервенциялық кардиолог және интервенциялық аритмолог, аға интервент Құрбанәлі Сабдиновтың қатысуымен операция сәтті жасалды. Қазір пациент үйге шығарылды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.