«Жас теңізшілер» әскери-патриоттық клубының тәрбиеленушілері Отан қорғаушылар күні мен Қазақстан Республикасы Қарулы Күштерінің құрылғанына 30 жылдығы қарсаңында «Армия балалар көзімен» республикалық акциясына қатысты. Іс-шараны Ақтау гарнизоны Әскери-теңіз базасы әскери қызметшілерінің отбасы мүшелерімен жұмыс жөніндегі қолбасшылық және қызмет ұйымдастырды, деп хабарлайды mangystaumedia.kz ҚР Қорғаныс министрлігінің баспасөз қызметіне сілтеме жасап.
Қазақстан Қарулы Күштеріне арналған суреттер байқауына қаланың мектепке дейінгі мекемелерінің тәрбиеленушілері мен бастауыш сынып оқушылары қатысты.
«Акцияның басты мақсаты – балаларымызды рухани-адамгершілікке тәрбиелеу, олардың өнерге деген қызығушылығын ояту, дарыны мен шығармашылық қабілеттерін ашу», - дейді 29011 әскери бөлімінің отбасы мүшелерімен жұмыс істеу қызметінің басшысы Әсел Хайрушева.
Айта кетейік, 7 мамырда комиссия байқаудың қорытындысы шығады. Қатысушылар бағалы сыйлықтармен марапатталады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
