Биыл Түпқарағанда 2500-ге жуық жұмыс орны ашылады

Биыл Маңғыстау облысының жұмыспен қамтуды үйлестіру және әлеуметтік бағдарламалар басқармасы Түпқараған ауданында 2449 жұмыс орнын құруды жоспарлап отыр. Оның ішінде 2000 тұрақты, 449 уақытша жұмыс, - деп хабарлайды mangystaumedia.kz сайты аудан әкімдігінің баспасөз қызметіне сілтеме жасап.

Қаңтар-наурыз айында жоспардың 18,7% орындалды. Яғни 457 жұмыс орны құрылды. Құрылған жұмыс орнының ішінде 387 тұрақты жұмыс болса, бұл жоспарланған тұрақты 2000 орынның 19,3% құрап отыр. Уақытша жұмыс орны - 70.

Аудан әкімдігінің баспасөз қызметінің айтуынша, уақытша жұмыстың 48-і қоғамдық жұмыс, 11 әлеуметтік жұмыс орындарында болса, қалған 11 жастар практикасы бойынша құрылған. Аталған жұмыс орындарына аудандық халықты жұмыспен қамту орталықтары арқылы 78 адам жұмысқа орналастырылды.

- Жұмыспен қамту орталығында 501 адам жұмыссыз ретінде тіркеуде тұр. Оның ішінде, уақытша жұмыста 111 адам бар, 2 адам грантқа тіркелген, 55 адам төлем орталығынан жұмыстан босатылғаны үшін жәрдемақы алып отыр. Ал 333 адам тұрақты жалақысы жоғары жұмыс іздеушілер, - деді Түпқараған аудандық жұмыспен қамту, әлеуметтік бағдарламалар және АХАТ бөлімінің басшысы Дариға Шалабаева.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.