Маңғыстауда тағы да дауылды ескерту жарияланды

Бүгін Маңғыстау облысының батысы мен солтүстігінде көктайғақ күтіледі. Облыс орталығында шаңды дауыл болжанады, деп хабарлайды mangystaumedia.kz облыстық ТЖД баспасөз қызметіне сілтеме жасап.

Жел солтүстік-батыстан соғады,оның жылдамдығы батыста 15-20 м/с, облыстың солтүстігінде екпіні 23-28 м/с жетеді.
Ақтауда 6 наурызда солтүстік-батыстан 15-20 м/с жылдамдықпен жел соғады , түнде екпіні 23 м/с жетеді.

Маңғыстау облысының Төтенше жағдайлар департаменті ескертеді:
Егер ауа-райы болжамында сіз көктайғақ немесе көктайғақ туралы хабарды естіген болсаңыз, абайлап жүріңіз және жарақат алу мүмкіндігін азайту үшін шаралар қолданыңыз.

Дауылды жел қаупі төнген жағдайда: балкондар мен лоджияларға тексеру жүргізу қажет. Барлық жеңіл және көлемді заттарды бекітіңіз немесе бөлмеге өткізіңіз. Жеке автокөлігіңізді ағаштар мен ескі құрылыстардан алыс қойыңыз. Мүмкіндігінше әйнекті ұрып-соғудан қорғаңыз және терезе рамаларын бекітіңіз.
Балаларды ерекше бақылауға алу және оларды қараусыз қалдырмау маңызды. Үйлердің ығында тұрмаңыз, өйткені шатыр материалдары құлауы мүмкін. Ерекше қажеттіліксіз сыртқа шықпау ұсынылады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.