Маңғыстау облысының әкімдігі шаруалар үшін шөп бағасын қолжетімді етудің тағы бір жолын қарастырды, деп хабарлайды mangystaumedia.kz.
Облыс әкімі С.Трұмовтың бастамасымен өңірге келіп жатқан мал азығының бағасын түсіру үшін бұл іске демеушілер тартылды. Осылайша бүгіннен бастап аудандарда шөп төмен бағада сатылып жатыр.
Мәселен, бүгін Мұнайлы ауданында 1 400 теңге тұратын бір түк шөп қазір 1 000 теңгеден, ал, Бейнеу ауданында 1 200 теңге тұратын бір түк шөп 900 теңгеден, Қарақия ауданында бір орам (рулон) шөп 12 мың теңгеден, Таушықта бір орам шөп 12 500 теңгеден сатылды. Бұл бағыттағы жұмыстар алдағы уақытта барлық ауданда да жалғасады, делінген облыс әкімдігінің баспасөз қызметі таратқан ақпаратта.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
