Ел Тәуелсіздігінің 30 жылдығына орай Ақтаудағы көпқабатты үйлердің қабырғасына мурал салу жалғасып жатыр. Қазірдің өзінде 8 мурал салынып бітті.
Бұған дейін Әбіш Кекілбайұлы, Есенғали Раушанов пен Фариза Оңғарсынованың муралы 4 шағынауданда, Хиуаз Доспанова, Әлия Молдағұлова, Мәншүк Мәметова сынды батыр қыздардың муралы 8 шағынауданда салынды. Өңірге еңбегі елеулі бокс жаттықтырушысы Александр Драчтың муралы 14 шағынаудандағы 14-үйінің қабырғасы бейнеленді. Ал 14 шағынаудандағы 13-үйдің қабырғасына Қазақстандағы бокс спортының негізін қалаушылардың бірі Шоқыр Бөлтекұлының муралы салынып жатыр.
15 шағынаудандағы 37-үйдің қабырғасына Мирас есімді қала тұрғынының демеушілігімен ұлттар достастығын айқындайтын мурал салынды.
Тұрғын қала бойынша ұлт зиялыларының бейнесі салынғанын көріп, жоба авторларына өзінің ұсынысын білдірген. Осылайша, Ел Тәуелсіздігінің 30 жылдығына орай достық теңізі жағасында орналасқан үй қабырғасында «Біз біргеміз» атты мурал пайда болды, - деді суретші Аймұрат Таңатов.
Махаббат Нұржанқызы
Суреттерді түсірген Талант Құсайын
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
