Ақтауда №2 қоғамдық көлік жаңартылады

Ақтауда №2 қоғамдық көлік жаңартылады, деп хабарлайды mangystaumedia.kz.

Ақтауда №2 және №4 қоғамдық көлік маршруттарына «Жолаушы Актау» ЖШС қызмет көрсетеді. Қала автопаркін жаңарту мақсатында №2 маршрут үшін аталған серіктестік қараша айында әр көліктің құны 51 млн 750 мың теңге болатын "Daewoo Bus Қазақстан" зауытымен 10 жаңа «daewoo bc211ma» маркалы автобусын жеткізу үшін келісімшарт жасасқан.

Келісімшарт негізінде автобустар 10 мамырда жеткізілуі керек болған. Алайда пандемияға байланысты Семейдегі автозауытқа автобустардың кейбір комплектері уақытылы келмеуі салдарынан жеткізуші тараптан қоғамдық көліктерді тамызда жеткізетіні жөнінде кепіл хат келіп түскен.

«Сонымен қатар, қаладағы автобустарды толық жаңарту мақсатында қосымша тағы жаңа заманауи, желдеткіштері мен пандустары бар 16 дана автобус сатып алуға облыстық көлік басқармасына өтінім қалдырдық. Біздің маршруттар қала үшін әлеуметтік маңызы бар өтініш ретінде танылды. Осылайша Ақтау қаласындағы барлық автобус паркін жаңартамыз деп үміттенеміз», - дейді «Жолаушы Актау» ЖШС директоры Р.Ахметнабиев.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.