5 маусым - Дүниежүзілік қоршаған ортаны қорғау күніне орай Маңғыстау облыстық табиғи ресурстар және табиғат пайдалануды реттеу басқармасының ұжымы теңіз жағалауында сенбілік өткізді, деп хабарлайды mangystaumedia.kz.
Теңіз жағалауын күл-қоқыстан тазарту жұмыстарын "Қызылсай" мемлекеттік өңірлік табиғи паркінің ұжымы мен балықшылар қолдады.
"Тазалық алдымен әр адамның өзі үшін керек. Қоршаған ортаға құрметпен қарап, таза ұстайық деген тілегім бар. Әр адам тазалықты сақтаса, нұр үстіне нұр болар еді", - дейді басқарма басшысы Дүйсен Құсбеков.
Айта кету керек, тазалық сақшылары 60 қап қоқыс жинады. Теңіз жағалауында көбіне пластикалық бөтелкелер, целофан пакеттер, темекінің тұқылы, спирттік ішімдіктен қалған бөтелкелер, бір реттік пайдаланатын ыдыс-аяқтар көп. Экологтар демалушыларды тазалық сақтауға шақырды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
