Маңғыстаулық жас ақын Еділбек Дүйсеннің «Қалалық құстар» атты жыр жинағы жарық көрді, деп хабарлайды mangystaumedia.kz Түпқараған ауданының әкімдігінің баспасөз қызметіне сілтеме жасап.
Жыр жинақ 1000 данамен Нұр-Сұлтан қаласындағы «Кәусар» баспасынан жарық көрді. Сөз өнерінде өзіндік үн-бояуымен, өзіне ғана тән өрнек-қолтаңбасымен дараланып үлгерген жас қаламгердің бұл жинағына бір шоғыр өлеңдері мен жалпы әдебиет әлемінің көрнекті өкілдерінің ой-толғаныстары мен сыр-сұхбаттарын ана тілімізде сөйлеткен аудармалары топтастырылған. Ақынға сәттілік тілеп, кітаптың беташар алғысөзін жазған Қазақстанның еңбек сіңірген қайраткері жазушы Дидар Амантай. Кітаптың жарық көруіне қолдау жасаған қарағандылық меценат Бекзат Алтынбеков.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
