Маңғыстау облысы төтенше жағдайлар департаментінің Өрт сөндіру және авариялық-құтқару жұмыстары қызметінде «Сыбайлас жемқорлыққа қарсы іс-қимыл, заңнамалық актілерге енгізілген сыбайлас жемқорлық құқықбұзушылығы үшін қолданылатын жазаның күшейтілгені туралы» новеллалармен және Transparency Kazakhstan халықаралық ұйымының "2020 жылғы Қазақстандағы сыбайлас жемқорлық жай-күйінің мониторингі" атты зерттеуінің нәтижелерімен таныстыруға арналған кездесу өтті.
Кездесуге Маңғыстау облысы бойынша Сыбайлас жемқорлыққа қарсы қызмет департаментінің Басқарма басшысы Қ.Байгебаев, Өрт сөндіру және авариялық-құтқару жұмыстары қызметінің бастығы Н.Селимов және осы саланың қызметкерлері қатысты.
Жиын барысында ауыр және аса ауыр сыбайлас жемқорлық қылмыс жасағаны үшін сотталған адамдарға шартты түрде мерзімінен бұрын босатуды қолдануға тыйым салынғаны, пара берушілер мен пара алушыларда қатаң жазаланатынын, құқық қорғау органдарының қызметкерлері мен судьяларға сыбайлас жемқорлық қылмыс жасағаны үшін жазаның күшейтілгені, квазимемлекеттік секторларда комплаенс қызметін енгізу мәселелері қозғалды.
Сонымен бірге, қоғамда сыбайлас жемқорлыққа қарсы мәдениетті қалыптастыру бағытында жүзеге асырылып жатқан жобалар туралы ақпарат беріліп, жемқорлықтың алдын алуға әрбір қызметкер үлес қоса алатыны айтылды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
