Тәуелсіздіктің 30 жылдығы қарсаңындағы «Наурыз» мерекесін атап өту тұжырымдамасына сәйкес, бүгін «Жайлау» күніне орай Маңғыстау облысының діни бірлестіктер өкілдері тал отырғызды, деп хабарлайды mangystaumedia.kz.
Дін қызметкерлері мешіт, шіркеу маңын абаттандыру жұмыстарына белсенді қатысып, мұндай игі шаралар жалғасын табу қажеттігін айтты.
«Жайлау» күні Ақтау қаласындағы «Благовещенск приходы Орал епархиясы» жергілікті православиелік діни бірлестігі және «Қасиетті Исустың жүрегі» римдік-католиктік діни бірлестігі өкілдері тал отырғызу шараларына жанұяларымен келді.
«Наурыз мейрамы» - тек қана табиғаттың жаңаруы мен жаңғыруының мерекесі емес, бұл біріншіден, қоғамдағы бейбітшілік пен келісімді нығайтуға, сондай-ақ адамдардың рухани тазаруына бағытталған жақсылық пен бейбітішілік мерекесі. Халықтың ынтымаққа, жақсылық пен достастыққа деген байырғы құлшыныстарын оятып, жақындастыра түседі. Елбасы Нұрсұлтан Назарбаевтың этникааралық қатынастар саласындағы көреген саясатының арқасында, Қазақстанда бейбітшілік, келісім мен өзара түсіністік орнады. Сондықтан біздің барлығымызға Наурыз мейрамының шынайы мәні жақын әрі түсінікті. «Атадан мал қалғанша, тал қалсын» демекші, бүгін барлық діни бірлестіктер өкілдері болып Амал мейрамы, «Жайлау» күнінде өлкеміздің көркеюіне үлес қосып, ғибадат үйлерінің маңында ағаш ектік. Жылдан жылға аман-сау жете берейік. Амал құтты болсын, ағайын!», - деді облыстық Бекет ата мешітінің бас имамы Әнуар Елжанов.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
