​​​​​​​Каспий теңізінде құтқарылған Түркия азаматы еліне қайтарылды

Бұл туралы mangystaumedia.kz сайты Маңғыстау облысы денсаулық сақтау басқармасының баспасөз қызметіне сілтеме жасай отырып хабарлайды.

Түрік тарапының 2021 жылғы 5 қаңтардағы шешіміне сәйкес, науқасты түріктің санитарлық авиациясы арқылы еліне ауыстыру туралы шешім қабылданды. Науқас алдымен Жаңаөзеннен Ақтау қаласына жеткізіліп, Ақтау халықаралық әуежайы арқылы өз отанына ұшып кетті. Ол Түркияның солтүстік-шығысындағы Эрзурум қаласына аман-есен жетті.

50 жастағы Түркия азаматы халықаралық көлік компаниясында жүк көлігінің жүргізушісі болып жұмыс істейді.

Естеріңізге сала кетейік, бұған дейін «Сарбаз» шекара кемесінің экипажы «Академик Хасан Алиев» паромынан Түркия азаматын құтқарған болатын. Медициналық көмекке мұқтаж ер адам Кендірлі шығанағы жағалауына шығарылып, Жаңаөзен қаласындағы ауруханаға жеткізілген еді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.