Құрметті жерлестер!
Баршаңызды 1-желтоқсан – Тұңғыш Президент - Елбасы күнімен құттықтаймыз!
Бұл күн - еліміз үшін тағдырлы тарихи шешім қабылдаған – Қазақстан Республикасының Президентін тұңғыш сайлаған тарихи маңызды күн.
Егемен еліміздің Тәуелсіз мемлекет ретінде қалыптасып, еңселі ел атануы, Отанымыздың игілікті қарыштауы сарабдал саясаткер, сұңғыла білімдар, Тұңғыш Президентіміз Нұрсұлтан Әбішұлы Назарбаевпен тығыз байланысты. Егемендіктің арайлы ақ таңы атқалы ширек ғасырдан астам уақыт ішінде Отанымызды күллі әлем танып, мойындаған еңселі мемлекетке айналып келеді. Еліміздің бүгінгі күнде жеткен жетістігі мен шыққан асқарлы биігі сөз жоқ егемендігіміздің, бірлігіміз бен тұтастығымыздың беріктігін айғақтайтын айшықты дәлел.
Бұл мереке – тәуелсіздігімізді тұғырлы етіп келе жатқан мемлекетіміз үшін маңызы мол, тарихи тағылымы терең мейрам.
Осы орайда, Сіздерді Қазақстан Республикасының Тұңғыш Президенті-Елбасы күнімен шын жүректен құттықтай отырып, отбасыларыңызға амандық, елімізге ырыс-ынтымақ, береке-бірлік тілейміз!
Құрметпен,
“Маңғыстау - Медиа” ЖШС директоры
А. Дутбаева